Şaredarîya Sûrî û 16 sazgehan seba domananê ke prosesê qedexeyanê tebervejîyayîşî û pêkewtişan têsîr bi ci kerdo Festîvala Domanan a Sûrî viraşte, festîvale roja 3’ine de dewam kena.  Çarçewaya festîvale de ewro saetanê şodirî de, bi rayberîya Komela Ekolojîyî Baxçeyanê Hevlerî de rayraşîyayîşêkê xozayî ame viraştene.

Parlamentera HDP’yî ya Amedî Salîha Aydenîze, Hemşaredara Sûrî Fîlîz Buluttekîne, xeylê endamê ekolojî û domanî beşdarê rayraşîyayîşî bîyî. Domanan eleqeyêko gird mojna rayraşîyayîşî û baxçe de pîknîk ame viraştene. Endamê Komela Ekolojî Zekî Kanayî derheqê Baxçeyanê Hevselî de zanayîşî dayî domanan.

8 kargehî do bêrê viraştene

Çarçewaya festîvale de, mîyanê roje de domanê ke serrê xo mabênanê 4-17 de vurîyenê 8 kargehan do bivirazê. Hetê Med-Derî ra Muzeya Bajarî ya Qonaxê Cemîlpaşayî de Kargehê Nuştişê Estanikan, Keyeyê Hunerê Laleşî de Kargehê Resîm, Fotograf û  Reqsê Şaran, hetê Ma Musîc Canter/Amîdart Kultur/Gruba Hunerî ra keyeyê Dengbêjan de Kargehê Estanikan û Dayîşşinasnayîşê Enstrumanan, hetê Şaredarîya Sûrî û Ma Musîc Centerî ra Kargehê Dewa Bagiverî do bêra viraştene.

Hetê bînî ra, hetê Zarok TV’î ra Salona Sînema ya Çand Amedî de bi dublajî sînema yê Wallece and Gromit’s û Randropî yê Zazakî û Kirdaskî bêrê nawnayene. Dimayê ci bi organîzekerdişê Komela Domanan fîlmê muzîkalî yê Pîre û Luye/Pîrê û Rovî do bêrê nawnayene.