Fîlozof û nuştox Gáspár Miklós Tamásî 15ê çeleyê 2023yî de dinyaya xo bedilnaye. Fîlozofê macarî Gáspár Miklós Tamásî serkêşanê muxalefetê Macaristanî ra bi.

G. M. Tamásî tewirê xo yê sîyasîyî ra kitabê ci ameybî qedexekerdene, dest nîyabi pasaportê ci ser. Gáspár Miklós Tamásî 7ê teşrîna peyêne ya 2019î de vera zîyaretê Macaristanî yê Erdoganî nêrazîbîyayîşê xo mojnabi û vatbi: ''Erdogan Sûrîye de kurdan qetil keno û Vakurê Kurdîstanî de bi qeyûman cayê sîyasîyan îşxal keno.''

Gáspár Miklós Tamásî seba azadîya Rayberê Şarê Kurdî Abdullah Ocalanî zî xîret kerdbi. Fîlozofê macarî Gáspár Miklós Tamásî seba ke PKK lîsteya terorî ra bêro vetene serkêşîya kampanyaya îmzayan kerdbî ke 100 kesan morê xo dabi binî.