Bajarê Dresdenî yê Almanya de de hetê Meclîsê Cinîyan ê Uta ra semedê şehîdanê Parisî aktvîteya yadkerdişî ameye organîzekerdene. Xeylêk kurdî û enternasyonalîstî tewrê aktîvîte bîyî.

Şexsê Sakîne Cansize, Fîdane Dogan, Leyla Şaylemez, Evîne Goyî, Mîr Perwer û Abdurrahman Kizilî de semedê şehîdanê Kurdîstanî rêz ame girewtene.

 Aktîvîte de bi nameyê Komîsyonê Keyeyê Şehîdan Zekîye Arik qisey kerd û ard ziwan ke kurdî do têkoşînê şehîdanê xo bidê domnayene. Safîye Erola ke bi nameyê Têgêrayîşê Cinîyan ê Kurdan ê Ewropa  (TJK-E) qisey kerd, qala têkoşînê Sakîne Cansiz kerd. Apê Mîr Perwerî Faysal Çetînî zî bale ante polîtîkaya qirkere ya dewleta tirke ya vera kurdan ser.

Badê seyrkerdişê sînevîzyonî aktîvîte pê slogananê "Şehit Namirin”, “Bê Serok Jiyan Nabe”, “Jin Jiyan Azadi" qedîyaye.