Fermandarê Pêroyî yê  Hêzanê Sûrîyeya Demokratîke (QSD) Mazlûm Ebdîyî derheqê  Hemserekê Konseya Rayberdişî ya Îdareyê Xoserî yê Şingalî  Merwan Bedelo ke hêrişê dewleta tirke de dinyaya xo bedilnaye de hesabê xo yê Twitter de mesajêk pare kerd.

Ebdîyî vera hêrişî nêrazîbîyayîş mojna û vat: ''Hêrişê ke Merwan Bedel û domanê ci hedef girewtî sey qirkerdişê Qamişlo yo. Dewleta tirke çiwext biwazo o wext sîvîlan hedef gena. Seba ke warê hewayî dewlete tirke rê akerde yeno verdayene, verê qirkerdişan yeno akerdene. Hêzê mîyanneteweyî semedê vindarnayîşê îhaleyan û pawitişê sîvîlan berpirsîyar ê.''