Herêmanê erdlerzî de seba ke awa pake nêyena vînayene û xîzmetê tedawîyî baş nêyenê kerdene, beno ke ê cayan ra nêweşîyê janî vila bibê, ame îqazkerdene ke 2 hewte ra heta 4 hewteyan beno ke nêweşîyî vila bibê.

Merkezê Vernîgirewtişê Nêweşîyan û Kontrolî yê Ewropa (ECDC) eşkerayîya nuştekîye weşanaye û dîyar kerd ke beno ke nê rojan de nêweşîyî vila bibê.

Eşkerayîye de ame îfadekerdene ke, kesê ke erdlerzî ra xelisyayî, wexto ke şêrê setargehan beno ke înan mîyan ra jan vila bibo. No enfeksîyon eşkeno awe ra bivîro însanan û beno ke vîrusê hepatît a, norovîrus û rotavîrus vila bibê.

Ame vatene ke demanê ameyoxan de beno ke nêweşîya kolerayî zî hîna zaf biba. Û beno ke nêweşîyê sey Covîd-19î zî dekewê sîstemê hilmgirewtişî û vila bibê.