Ame zanayene ke wesayîtê ke koçberî kiriştêne qezaya Merîçî ya Edîrne de qeza kerd. Netîceya qezayî de 20 kesan cuya xo vînî kerde û bi desan zî birîndar bîyî.

Merîço ke mabênê Tirkîya û Yûnanîstanî de sinor o bi serran o koçberî mergî gênê çim û royî ra ravêrenê Ewropa. Serra 2018’î de tewr tay 11 hezar koçberî Tirkîya ra ravêrtî Yûnanîstan. 

Tirkîya û Yewîya Ewropa serra 2016’î de semedê vernîgirewtişê koçberan pêkerdişêk kerd. Dimayê nê pêkerdişî hûmara koçberan ê ke vejîyayê Ewropa serra 2015’î de 875 hezar bîye, serranê 2017 û 2018’î heta 40 hezarî ginaye war o.

17’ê Hezîrane de Bodrûm de kurna ke koçberî kitiştêne cûm bîye, 12 kesan cuya xo vînî kerde. Goreyê Rêxistina Koçberî ya Mîyanneteweyîye sereyê serre ra 555 koçberî Deryayê Sipîyî de cuya xo vînî kerde.