Endama PEN’î nuştoxa cinî ya Kurde Gulgeş Deryaspî amî tepiştene

Nuştoxa Kurde Gulgeş Deryaspî bi operasyono ke Bedlîs de amebi viraştene amîbî destbendkerdene hetê mehkeme ra amî tepiştene.  

Bi talîmatê Serdozgerîya Komare ya Bedlîsî, qezayanê merkezê Bedlîsî, Tatwan û Norşîn de roja 25’ê Temmuze bi operasyonêk 9 kesî ameybî destbendkerdene. Edebîyatkara Kurde Gulgeş Deryaspî ya ke nînan ra yewe bîye hetê mehkeme ra bi îdîaya “endama organîzasyonî ya” amî tepiştene.

Avûkatê Gulgeş Deryaspî Mîmar Onalî vat qerar bi zorî dîyayo û nêheq o û vat, “no cipersayîşo ke ameyo destpêkerdene de sûco ke yeno îsnatkerdene nêheq ê û bingeyê înan o huqûqî çino. Na çarçewa de ma do qerarê tepiştişî yo ke ameyo dayene rê îtîraz bikerê.”

 Endama PEN’ê Mîyanneteweyî û mezûna Beşê Ziwan û Edebîyatê Kurdî yê Unîversîteya Alparslan Mûşî Deryaspî bi nameyê “Tarîya bi Tav”, “Xezal” û “Ez ez nêya” kitabê aye estê. Deryaspîya ke hetê mehkeme ra amî tepiştene, amî şirawitene bi Zîndanê Bedlîsî yê Tîpê E’yî yê Girewteyî.