Endamê Meclîsê Ciwanan ê HDPyî Celal Doner menga kanûne de Riha de amebi destbendkerdene û dima amebi berdene bi Wanî. Donerî îfade kerd ke nezaret de polîsan bi rojan îşkenceyê înan kerdo û ajanîye ferz kerda.

Donerî ard ziwan ke polîsêkî Riha de ey rê vato ''Eke ti biwazî ez rektorî de qisey kena, ti benî akademîsyen.' Donerî bale ante ser ke polîsan bi nê hawayî ci rê ajanîye ferz kerda.

Donerî da zanayene ke şarê kurdî vera polîtîkayanê ajanîye xo ver dayo û vat: ''Ma zî do nê xoverdayîşî rê dewam bikerê.''