FEDA seba erdlerzê Mereşî eşkerayîye weşana û vat, ‘‘Dewlete bi zanayîş erey şîye xirbanê erdlerzî ser û no bî sebeb ke qurbanê erdlerzî hende zaf bibê. Şarê ma binê xirban de serdê zimistanî ver, bi dejêko giran bî qurbanê erdlerzî. Na dewlete, na zilm û zordarîye şarê ma rê ferz kena. Nêzdîbîyayîşê xo yê qirkerdişî bi metodanê cîya-cîyayan  dewam kena.’’

FEDA eşkera kerd ke nê kerdişanê qirkeran do xo vîr ra nêkerê û nêdê vîrkerdene û vat, ‘‘Wa kes şarê ma tena nêvîno û karê ma zî sivik nêvîno. Ma hiş, îrade û vîrê şaran ê. ma biqerar ê ke seba ameyoxê azad ê şarê ma û rastîya bawerîya elewîyan têkoşînê xo dewam bikerê.’’