Seba ke waştbi wa derheqê hêrişanê kîmyewîyan ê vera Herêmanê Pawitişî yê Medya  de cigêrayîş bêro kerdene Sereka Konseya Merkezî ya Yewîya Tabîbanê Tirkan (TTB) Şebneme Korur Fîncanci amebî tepiştene. Fîncanci ewro ameye tehlîyekerdene û Zîndanê Cinîyan ê Bakirkoyî ra vejîyaye. Fîncanciya ke bi çapikan û sloganan hetê xeylêk kesan ra ameye verwazîkerdene eşkerayîya çapemenîye daye.

Fîncanci vat: ''Êyê ke têkoşînê azadîye rayra benê û hekîmî berpirsîyarê ke heqîqetî vajî. Ma xora sey hekîman vera şeran vejîyenê. Seba ke her qeydê çekî bêrê qedexekerdene  û binate ra bêrê wedaritene çîyo ke destê ma ra yeno ma do bikerê. Zîndanan de heqê weşî yeno binpaykerdene. Tepişteyî yenê tecrîdkerdene. Nê binpaykerdişê giran ê. Vera neheqîyan têkoşînê ma do dewam bikero. No têkoşîn do meqedîyo''.