Komployê 15ê Sibate yê vera Rayberê Şarê Kurdî Abdullah Ocalanî serrgêra ci ya 24.  de bajarê Frankfurtî yê Almanya de, serkêşîya FCDK-KAWA  de ame protestokerdene.

Saarbrucken, Frankfurt, Darmstadt, Hannah û Offenbachî ra xeylêk kesî twerê çalakîye bîyî. Rayraşîyayîş de derheqê komployî de almankî vilawekî ameyî wendene û qiseykerdişî ameyî kerdene.

Çalakwanan vera komployî hêrsê xo ard ziwan û seba ke di serrî yo Abdullah Ocalanî ra xebere nîna girewtene veng da Mehkemeya Heqanê Merdiman a Ewropa, CPT û dezgehanê eleqedaran ê mîyanneteweyîyan ke wa wezîfeyê xo bîyarê ca.

Rayraşîyayîşo ke sloganê sey “Bijî Serok Apo”, “Bê Serok jiyan nabe” û “Jin jiyan azadî” ameyî eştene de semedê tewrbîyayîşê rayraşîyayîşê Darmstadt-Luisenplatzî ame vengdayene ke do ewro bêro kerdene.