Hemsereko pêroyî yê Partîya Şaran a Demokratîke (HDP) yo verên Selahattîn Demîrtaşî cewab da îdîaya mabênê ê û Rayberê Şarê Kurdî Abdullah Ocalanî de mucadeleyê îqtîdarî esto.

 Demîrtaşî sere hesabê Twîtterê xo ra eşkerayîyêk daye û ca da nê îfadeyan:

 “Wa tu gumanêkê yewî çinbo ke ez do kîşta her tewir însîyatîfê birêz Ocalanî yê seba demokratîkbîyayîşî û aşitîye de ca bigêrî, seba serkewtişê ci cehdêkê samîmîyî bidî. Vatişê sey şerê îqtîdarî û sey nînan ma rê xerîb ê û dûrê ma yê.

Ganî çew nê vatişanê teberê cidîyetî rê prim nêdo. Ma do nêbê hetêkê polemîk û kayêkê winayênî, pêhesnayîşê nê ez bifayde vînena. Ez sey kesêk ke wextanê verî de tesîrê pîlî yê Ocalanî yê şarî ser o bîzat bîya şahid, îdrakêk ke seke o testêkê winayênî rê yeno ravêrtene viraştiş nêheqî û bêmesuldarîyêk a. Kesê ke wazenê karanê pîlan û cidîyan bikerê ganî nê operasyonanê qijkek û ercanan ê îdrakî rê tenezul nêkerê. Na babete seba ma hesas a. Ez veng dana her kesî û heme hetan ke wa bidîqet tê bigêrê û nêbê perçeyêkê têgêrayîşê psîkolojîkî.”