Gelo germo zêde tesîr bi rayanê partîya Keskan keno?
Goreyê anketanê peyênan ê Almanya, rayê Partîya Kesan se ra 27 ê û no nisbetêko berz ê tarîxî yo. Goreyê pisporan zî rîyê germê zêdeyî ra şar rayanê xo dano partîya Keskan û na rewşe demdemî ya.
Almanya de demanê peyênan de partîyê CDÛ û SPD’yî weçînayîşê Parlamentoyê Ewropa û Eyaletê Bremenî de rayê xo kêm kerdîbî.
Partîya Keskan zî weçînayîşê peyênî de rayê xo zêde kerdîbî û bîbî partîya dîyine. Goreyê anketêka ke şîrketê Emnîdî seba rojnameyê Bîldî kerda, partîya Keskan û CDÛ rayanê se ra 27 pare kenê û rayê SPD û partîya rastgir a AfD’yî zî se ra 12 ê. Unîversîteya Trîerî ra Profesor Ûwe Jûnî rojnameyê Bîldî rê qisey kerd û da zanayene ke weçînayoxî tercîh ra gêrênê û seba ke welat de germê zêdeyî dest pêkerdo, weçînayoxî verê xo danê partîya Keskan. Goreyê pisporan zêdebîyayîş rayanê partîya Keskan demdemî yo û zêdebîyayîşê rayanê SPD’yî yê serra 2017’î nîşan danê. Martîn Schulz wexto ke bibi serekê pêroyî yê SPD’yî, anketan de nêzdîyê di hewteyî rayê SPD’yî se ra 30 asaybî.
