Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 559. de dewam kena.  No hewte nobete hetê grûba Baselî ra ameye dewrgirewtene. Grûbe de  Delil Ek, Ferhat Oncul, Erdal Delek û Aram Amed ca genê.

Delîl Ekî ke bi nameyê grûbe qisey kerd ard ziwan ke înan bi nameyê Merkezê Komelê Demokratîkî yê Kurdan ê Baselî nobete dewr girewta û vat: ''Nê erdlerzî mojna ke ma sey şarê kurdî gerek bi hêzê xo xo rêxitin bikerê, dezgehanê xo awan bikerê û wayîrê yewbînan bivejîyê. Eke pawitişê ma dewlete ra bibo, ma do bimirê, binê rijnayîşî de bimanê, serd û vêşanîye ra bimerê.''

Delîl Ekî vist vîrî ke ê semedê azadîya Rayberê Şarê Kurdî Abdullah Ocalanî nobete tepişenê û vat: ''Azadîya Rayberîye azadîya şarê kurdî, merdimîye û heme tebîatî ya. Rayberîya ma bi des serran o sey esîr yeno tepiştene. Na nobeta ke ma semedê Rayberîye tepişene nobeta edaletî ya. Nobeta merdimîye, wijdan û ehleqî ya. Ma do ser bikewê. 11 serrî yo ma bêmabên na çalakîye domnenê û heta azadbîyayîşê Rayberîye do dewam bikero.''