Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 557 dewam kena. 

No hewte nobete hetê grûba Viyana ra ameye dewrgirewtene. Grûba Viyane de Ozan Şêxanoglu, Yektan Hîlwan û Bavê Metîn Kobanê ca genê.

Ozan Şêxanogluyî ke bi nameyê grûbe qisey kerd, nê vatî: ''Azadîya Rayberîye azadîya heme şaran a.Coka ganî şarî semedê azadîya Rayberîye têbigêrê. Di serrî yo ma Rayberîya xo ra xebere nêgênê. Ganî Komîteya Vergirewtişê Îşkenceyî û Yewîya Ewropa vera nê çîyêk bikerê. Bi serran o ma verê Konseya Ewropa de yê. Ewropa bêveng a, ma nêvînena. Dirîtîye kenê. Ma wazenê ke cade Rayberîya xo ra xebere bîgêrê.''

Şêxanogluyî semedê erdlerzî şarê kurdî û şaranê bînan rê serweşîye waşte û veng da kurdan ke wa bibê yew paştî bidê mexdûranê erdlerzî.