Hetkara Serekê Pêroyî yê EMEPî Selma Gurkan derheqê vîjnayîşî de ajansê ma rê qisey kerd.

Selma Gurkan vat: " Ewro feqîrîya şarî, bêkarîye, bêhêvîya ciwanan û vayîye  mojnenê ke polîtîkaya ekonomî yê îqtîdarî çi hale de ya. Esle xo de heme polîtîkayê îqîtîdarî serê rant, talan û rijnayîşî de yê. Hetê bînî ra zext û qedexeyê vera şarî û muxalefetî atmosferê sîyasîyî eşkera ramojnenê.  Rîyê îqtîdarî yo ke wextê erdlerzî de vejîya werte polîtîkaya înan zî eşkera fîna çîman ver. Çoka şar nê vîjnayîşî ra zaf çî paweno. Çîyo ke şar wazenê Îtîfaqê Kede û Azadîye wazeno nê bîyaro ca û hêzê ci est o.

Polîtîkayê îqtîdarî yê ewroyî mojnenê ke eke vîjnayîşê 14 gulane de ser bikewo senî walatî anceno mîyanê tarîtîye.  Îqtîdarê AKPyî seba ke vîn mekero do çîyo ke destê ci ra bêro bikero. Seba ke ser bikewo do heme metodanê dizdîye û xîleyan vîjnayîş de bifînê dewre. Coka problemê asayîşê vîjnayîşî semedê heme partîyan muhîm o. 

Ma wazenê îdareyê yew merdimî birijnê. Adresê problemanê ewroyî program û vengdayîşê têkoşînî yê Îtîfaqê Kede û Azadîye yo. Çîyo muhîm têkoşîno rêxistinkerde yo. Bi têkoşînê hemparî yê karker, kedkar û bindestan ma eşkenê îdareyê yew merdimî birijnê û sîstemê demokratîkî ronê. Ma sey îtfaqî tewirê xo bewlî kerd. Rojanê verê ma de goreyê averşîyayîşan ma do reyna tewirê xo yê taktîkî  û sandiqî newe ra bierjnê. "