Wekîla HDPyî ya Adana Tulaye Hatîmogullari ya ke Hatay de mexdûranê erdlerzî reyde de ya, bale ante ser ke waranê erlerzî de dezenformasyonê zaf giranî yenê kerdene.

Tulaye Hatîmogullari û vat, ‘‘Ez wazena şarê ma ra vaja ke; dezenformasyonêko xeylê gird est o, melumatê şaş û zurî yenê vilakerdene. Amancê nê dezenformasyonî o yo ke, şarê Antakya, Samandag û Defneyî bidê koçkerdene.’’

Hatimogullari vat, ‘‘Ma do koç nêkerê, ma do herra xo nêterknê. Ma do têkoşînê xo yê cuye dewam bikerê û waranê xo yê cuye zî newe ra bivirazê. Keremê xo ra eke şima bê çar nîyî, eke nêweşêkê şima çin o, koç mekerê. Ma waranê xo de bimanê û cayanê xo yê ciwîyayîşî zî newe ra pîya awan bikerê.’’