Wekîla HDPyî ya Adana Tulaye Hatimogullariya ke sey  wekîlanê bînan ê partîye roja verêna ne ra warê erdlerzî de ya Hatayî ra semedê hetkarî veng da. Hatimogullari hewcedarîyê lezabezî eşekera kerdî û veng da ke wa paştîdayîş bêro xurktkerdene.

Hatimogullari vat: ''Hema zî hewcedarîya tewr girde ekîbê zixmî yê cigêrayîş û xelisnayîşî yê. Ganî cade lezabez bajarê xeyman bêro ronayene û her hetî ra hetkarî bêro kerdene. Samandagê  Hatayî de şarî merkezê paştîdayîşî nayo ro.  Ma cehd kenê ke hetkarî biresnê tîya. Ganî kesê ke binê xirban de yê cade bêrê vetene. Seba ke her kesî xeymî bêro ranayene, werd bi hewayêkê sîstemkî bêro dayene. Ma reca dexalet kenê ke wa kincê kahanî merê şawitene. Nê erdlerzî de ma têna verdîyayî la sey şarî ma do miheqeq derbanê yewbînan bipêşê.''