Fermandaranê MLKPyî ra Ahmet Şoreş ( Zekî Gurbuz) û Firat Neval (Ozgur Namoglu) hêrişê dewleta tirke yê vera Rojawanî de şehîd bibî. Komîteya Rayberdişî ya Têgêrayîşê Şorişgêrî yê Yewbîyayeyî yê Şaran (HBDH) bi eşkerayîya nuştekîye wird şervanê MLKPyî yad kerdî.

Eşkerayîye de nê ameyî vatene: ''Hemra Ahmed Şoreşî xeylêk waran de wezîfeyê girewtî xo ser. Serranê xo yê ciwanan de vera îşkenceyan xover da û xeylêk waranê xoverdayîşî de bi hemrayêko serkêş û rayber. Roja ke têkoşîno şorişgêr nas kerd ra heta nê rojan her hela ci pê têkoşîn û serkewtişî ravêrte. Bajaran ra heta Herêmanê Pawitişî yê Medya, Rojawan de û heme waranê cuye de semedê şorişî gamê ercîyayeyî eştê.

Hemra Firat Nevalî pêro emrê xo pê têkoşînî ravêrna. Serranê ciwanan de tewrê partîya xo bi, karê rêxistinbîyayîşî rayra berdî û wezîfeyê xo bi serkewtişî ardî ca. Semedê rewşa fîzîkîye ya ermeyê ci têkoşîno leşkerî-polîtîk tim zereyê ci de mendbi ke bi vengdayîşê hemrayanê xo yê bêmergan 2016 de tewrê ci bi.Perwerdeyê îdeolojîk, polîtîk û leşkerî girewtî û şerwanê neweyî perwerde kerdî. Sey fermandarêkê serkewteyî eynî wextî de hemra Ahmet Şoreş pawitêne.

Îqtîdaro faşîst ê AKP-MHPyî pê heme hêzê xo her hetê Kurdîstanî de hêriş keno.  Îqtîdaro faşîst vano qey pê nê hêrişan eşkeno şerê ma yê heqdarî vindarno. Vera hêrişanê îşxalî û çekanê kîmyewîyan do şerê ma yo heqdar mîyanê şaran de girdêr bo.  Ma do îqtîdarê faşîstî ra hesab bipersê. Embazê ma yê ke bîyê bêmerg, hesabê înan persayîş  deynê milê ma yo. Ma do hesasê nê qirkerdişî îqtîdarê faşîstî ra bipersê.''