HDPyî netîceyê kombîyayîşê xo yê Meclîsê Partîye eşkera kerd ke 5ê hezîrane de ame kerdene.

Eşkerayîye de ame vatene ke seba xeta newîye ya têkoşînî hewce esto. Eşkerayîye wina dewam kena: ''Destê gemarinî vanê de eke dêsî ra kerrayêke bêra antene dês do birijo. Wa dês birijo û pêro kerdişê nimiteyî, cînayetê faîl-î meçhûlî eşkera bibê. Têkoşîn û îradeyo hempar ê şaran eşkeno na kerra biancê. Coka ma venga pêro wayîranê wijdanan danê ke bêrê ma hêzê xo bikerê yew û kerra biancê.

Ma reyna vanê ke polîtîkayê şer û tecrîdî yewbînan weye kenê û îfade kerd ke têkoşînê vera tecrîdî têkoşînê çareserîya demokratîke û haştîyane yê meseleya kurdan o. Seba çareserîye ganî îtîfaqo hîra yê demokrasî bêro awankerdene.''