Paytextê Şamî de Heyetê Rojawanî û Heyetê Şamî kombîyayîş kerd ke Peymana 10ê Adare ya mabênê QSD û Şamî bîyarê ca.

Kombîyayîş de Heyetê Rojawanî û heyetê Şamî nîqaşanê xeylê babetan de xeylê madeyan ser o pêkerd.

Heyetan eşkerayîyêka hempare daye û nê madeyî rêz kerdî: 

-Seba caardişê peymane ganî komîteyê hemparî û dosyayê perwerdeyî bêrê awankerdene.

-Ganî meseleyê serê îmtîhanan û merkezanê îmtîhanan û heqê wendekaran û perwerdeyî bêrê çareserkerdene.

-Seba ke şaro koçber abigêro waranê xo ganî mekanîzmayî bêrê awankerdene û astengîyî bêrê wedaritene.

-Dosyaya taxanê Eşrefîyê û Şêxmeqsûdî wa newe ra aktîf biba û nê cayan de aramîye û haştîya komelkîye bêra caardene.

Heyetan da zanayene ke dîyalogî do dewam bikerê û nêzdî de kombîyayîşê çapemenîye yo hempar bêro kerdene.