Hem-vervatoxê  Heyetê Rayberdişî yê Îdareyanê Cayîyanê Demokratîkan ê HDP’yî Selahattîn Asanî derheqê hêrişê vera hemşaredaranê Dîyadînî eşkerayîyêk dayê û nê pare kerdî:

Polîsan ê Tirkan nuqteya kontrolî ya ke vernîya dekewtişê awanîya Şaredarîya Dîyadînî de ya hêrişê hemwelatijo bi nameyê Mehmet Hayrî Orûço ke waştêne şiro banê şaredarîye kerd. Hemşaredar Evren Demîr û Betul Yaşare ke waşt mudaxeleyê nê halî bikerê ê zî hetê polîsan ra  raştê hêrişî ameyî. Dimayê qewimîyayîşî bi seyan polîsî bi copan kewtî banê şaredarîye û vera îradeyê şarê Dîyadînî hadê xo vertî û seba ke rayapêroyî naye nêhesîyo dest na serê qeydanê kamarayan ê şaredarîye. Verê qewimîyayîşî bi seyan polîsî derûdorê şaredarîye de ameyî bicakerdene. No zî ramojneno ke no tesaduf nêyo, kayêko palnakerde yê dewlete yo. Nê qewimîyayîşî reyna ramot ke dewlete bi bihaneyê asayîşî  ê wazenê ke şaredarîyanê ma û şarî yewbînan ra raqilnê. La wa nê herişkarî hol bizanê ke şaredarîyê ma xizmetê şarê ma de yê û rixmê heme hêrişan kes nêeşkeno ma cêser bifîno.’’