Heyetê Rayberdişî yê Merkezî yê  HDPyî bi wesîleyê serrgêra 24ine ya Komployê Mîyanneteweyî yê vera Rayber Abdullah Ocalanî eşkerayîyêke weşaneye.

Eşkerayîye wina ya:

‘‘Komployê Mîyanneteweyî yê vera Rayber Abdullah Ocalanî ra 24 serrî vîyartî. Înan bi komployî waşt ke aştîya nê komelî û îradeyê şaran orte ra hewanê. No zîhnîyet ewro zî dewam keno. Komployê Mîyanneteweyî yê vera Rayber Abdullah Ocalanî Îmraliyî ra dest pêkerdo  û heme komelî dekerdî binê tesîrê xo. Komplo ewro zî bi tecrîdê giranî dewam keno.

Pêroyê huqûq û peymanê mîyanneteweyî yênê binpaykerdene û tecrîdêko giran Birêz Ocalanî ser o yeno kerdene. No sucê verba merdimîye yo. Birêz Ocalan bi aqil û ferasetê xo no komplo puç kerd. Nêverda ke şar qirika yewbînan bitepîşo û dişmentî mabênê kurd û tirkan de û mabênê şaranê Rojhetayê Mîyanênî de bêro ronayene. Bi heme hêzê xo hewl da ke aştîye bivirazo. La o zîhnîyeto ke ey rê komplo kerd, nika zî wazeno bi tecrîdî vengê Birêz Ocalanî bibirno. No komplo ewro bi destê AKPyî yeno rayberdene.

Adara 2021î ra yo ke Îmraliyî ra xeberêke nêameya girewtene. Waştişê pêvînayîşî yê avûkat, keye, wekîl û hemserekanê ma yenê redkerdene. Waştişê pêvînayîşî yê 2 hezaran ra zafêr avûkatan nêyeno qebulkerdene. Nê 11 serranê peyênan de tena 5 rey avûkatan, 8 serranê peyênan de zî tena 5 rey keyeyê ey eşkîyayo ey bivîno.

Komplo ewro zî bi tecrîdkerdişê giranî, bi hêrîşanê Vakur û Rohhelatî û bi waştişê fetisnayîşê şorişî dewam keno. Coka ewro zî bi tecrîdî wazenê ke çîyî ke 24 serrî ver waştbî bikerê, encam bigîrê. Û seba ney zî tecrîdî, xo reyde problemê ekonomîk, sîyasî û rayberîye ardî

Coka bingeyê nê heme probleman, çaresernêkerdişê probelemê kurdan û tecrîd o. Ma reyna dîyar kenê ke, eke no nêzdîbîyayîş nêro bedilneyane, probelemê ke nika est ê, do hîna gird bibê.

Bi wesîleyê serrgêra Komployê Mîyanneteweyî, ma reyna veng danê. Tecrîdo ke Birêz Ocalanî ser o yo, hewanê. Bêrê ma nê welatî de aştî awan bikerê. Bêrê ma problemanê xo yê komelkîyan bi dîyalogî, bi metodanê demoktarîkan çareser bikerê, bêrê ma pîya cuyêka hempare û komelêko ewleyî esasê demokratîkan ser o awan bikerê.’’