Komîsyonê Heqanê Merdiman û Huqûqî yê HDPyî û avûkatanê part vera îşkenceyê Îskenderunî, oyo ke 10 kesan rê amebi kerdene, gerre kerd.

Goreyê eşkerayîya HDPyî, gerrekerdişî de ameyo waştene ke Walîyê Hatayî û Mudurê Emnîyetî ê Îskenderunî û wezîfedarê şarî yê îşkence kerdî, îfadeya înan bêra girewtene.

Gerrekerdişî de ame dîyarkerdene ke îşkence 10 kesan rê ameya kerdene û ê kesî ameyê destbendkerdene.

Ame vatene ke, ‘‘Însananê bêgunehan rê, êyê ke nas û merdimê înan erdlerzî de merdî, banê înan rijîyayo, bêçare mendî ke kargehê xo ra şêrê, hetê wezîfedaran ra îşkence ame kerdene.’’