Kongreya Demokratîke ya Şaran (HDK) vizêr bi slogana Cuyeya newîye do ser bikewo Heyetê Pêroyî yê 11. kerd. Esengule Demîr û Cengîz Çîçek sey hemserekanê neweyan ê HDPyî ameyî vîjnayene û 105 endamê Meclîsê Pêroyî newe ra ameyî vîjnayene.

Hemsereke Esengule Demira ke tîya qisey kerd bale ante yewîya dewlete-mafya-sîyasetî ser û vat: ''Ganî vera nê îqtîdarî şarî bibê yew û têkoşînî pîlêr bikerê. Ganî ma pêro pîya hêzê bikerê yew û ke bieşkê cuya newîye înşa bikerê.'' Dima ra Cengîz Çîçekî qisey kerd. Çîçekî bale anete muhîmîya têkoşînê hemparî ser û vat: ''Ganî ma rêxistinkerde bêrê têhet û pîya têbigêrê.''