Hemserekê Pêroyî yê HDPyî Mîthat Sancar, Hemvervatoxê Komîsyonê Şar û Bawerîye Turgut Oker, parlamenterê HDPyî û endamê partî pîya şîyê zîyaretê mexdûranê erdlerzî yê Narliya Bazarcixî. Sancarî mexdûran rê sohbet kerd û vat ke, pîya eşkenê na felakete ra bivejîyê. Sancarî sipasîya zerrîwazan û ciwananê dewan kerd û dima qisey kerd;

‘‘Roja 17ine ya erdlerzî de hema zî problemê koordînasyonî dewam kenê. Hetkarîyî ameyê resayê tîya biney la hetê resnayîşê mexdûran de zaf problemî est ê. ma vînenê ke hema zî tay dewan rê qet hetkarî nêşîya Roja 17ine ya erdlerzî de nê problemî tesaduf nîyê. Roja 17ine de eke zî nê problemî dewam kenê, no tesaduf nîyo, senî ke berpirsîyarê nê rijyayîşan pêro îqtîdar o, eynî wina berpisyarê nê probleman zî reyna îqtîdar o. Rijîyayîşê hende bînayan girêdayeyê erdlerzî nîyo helbet, eya xetê fayî binê erdî de est ê la sebebê hende rijîyayîşan zîhnîyetê serê erdî yo.’’

Mîthat Sancarî wina dewam kerd: ‘‘Mîyanê nê heme rijnayîş û dejan de ma çîyo ke bînî vînenî: Paştîdayîşo komelkî. Merdiman hela verêne ra destpê muntişê paştîdayîşî kerd. Cade torrê paştîdayîşî lezabez kewtî dewre. Çîyo ke hêvî dano ma, ma teselî keno no yo. Ma reyna dî ke ruhê paştîdayîşî senî zixm o. Înanê ke kerdêne ke mabênê bawerîyan û şaran de dêsan rone û serê xetanê fayî ra plananê xo yê sîyasîyan bîyarê ca, înan tîya de vînî kerd. Çunke tîya nasname û bawerîye nêameyî cîyakerdene, însanê ma vazdayî hetkarîya yewbînan.  Ma zanê seba ke banî rijîyayî şarê ma mecbûr maneno ke bar bikero bajaranê bînan. Ma do reyna nê bajaranê xo pîya bi kultur û rarîxê înan înşa bikerê. Birîna ma xorî ya, dejê ma gird o la hêvîya ma zixm a. Ma do pêro pîya hêzê xo bikerê yew, nê sîstemî bibedilnê, nê îqtîdarî ra hesab bipersê.’’