Serkêşîya AYAKAY-DERî de vera hêrişanê kîmyewîyan ê dewleta tirke yê serê Herêmanê Pawitişî yê Medya qezayanê Esenyûrt, Kartal, Kadikoy û Şîrînevlerî yê Îstanbulî de çalakîyê protestoyî ameyî kerdene.

Esenyurt de xeylêk kesan rayraşîyayîşêk kerd. Dikandaran zî paştî daye çalakîye. Çalakîye de sloganê sey Bijî berxwedana Rojava“ û “Bijî berxwedana gerîla“ ameyî vatene.

Kartal de polîsan hêrişê rayraşîyayîşî kerd. Girseyî waşt eşkerayîye bido la polîsan eşkerayîye de israr kerd. Polîsan girse kerd zereyê bînaya qeza û berî serê înan de qefilnayî.

Meclîsê Ciwanan ê HDPyî Kadikoy de vilawekî vila kerdî. Meclîsî derheqê hêrişanê kîmyewîyan de şar agahdar kerd û hêrişê kîmyewîyî protesto kerdî.

Bînaya HDPyî ya Şîrînevlerî de girseyî eşkerayîye daye çapemenîye. Hemsereka ANYAKAY-DERî Evîne Gençî eşkerayîye wende. Gençe ard ziwan ke hêrişê kîmyewîyî bi belgeyan ameyî îsbatkerdene rixmê ney zî dewleta tirke eşkerayîyêka ke komel pê bawer bikero nêdaye.