Endamanê Meclîsê Ciwanan ê Partîya Şaran a Demokratîke (HDP) yê ke waşt ke vera rijnayîşê Hesenkeyfî eşkerayîyêk bidê raştê hêrişê polîsan ameyî 33 kesî bi derbkerdişî ameyî destbendkerdene. Ame zanayene ke 33 kesî ke ameyî destbendkerdene otobusa polîsan de înan rê îşkence ame kerdene. Polîsan otobuse de bi gazî hêrişê înan kerd û ê derb kerdî.

Ciwanê ke rîyê hêrişê polîsan ra bedenê înan bîyî siya  bi sloganan hêrişê polîsan şermezar kerd. Ciwanê ke semedê kontrolî ameyî berdene bi Nêweşxaneyê Dewlete yê Hesenkeyfî, ame waştene ke zereyê otobuse de berê kontrolkerdene, ciwanan vera naye reaksîyon da. Dimayê reaksîyono ame vatene ke ciwanî do nêweşxane de bêrê kontrolkerdene.

Kesê ke ameyî destbendkerdene nameyê tayênan wina yo: Rojnamer Sonya Bayike, Hemserekê HDP’yî yê Êlihî Îkram Îrgî û Gulcemal Erdînçe, ciwanê HDP’yijî  Omer Amaç, Erol Daşdelen, Şîyar Aydin, Husamettîn Tanrikulu. Umît Akbiyik, Osman Demîr, Merve Karaçaye û Eyup Demîr.