Hesenkeyfo ke tarîxê ci reseno 12 hezar serrî û yeno waştene ke binê awa Awbendê Ilisûyî de bêro veradaye de, roja çalakîya globale de zî rijnayîş dewam keno. Serê vengdayîşê Têgêrayîşê Ekolojî yê Mezopotamya û Cehdkerdişê Ciwîyayîşî yê Hesenkeyfî, mabênê 7-8'ê Hezîrane Roja Çalakîya Hesenkeyfî ameyî îlankerdene. Sere de DYA, Iraq, Îran, Fransa, Tirkîya, Awusturya zî mîyan de 35 nuqtayan de seba Hesenkeyfî çalakîyî do bêrê viraştene. Serkêşîya cehdkerdişî reyde ewro saete 20.00 de bi beşdarbîyayîşê xeylî nuştox û roşinvîran seba Hesenkeyfî vengdayîşî wayîrvejîyayîşî do bêro kerdene.

Roja çalakîye de zî rijnayîşê Hesenkeyfî dewam keno. Dêsê Hesenkeyfî yê ke bi hezar serran pawa vinetê bi betonî yenê padayene û makînayê karî eseranê tarîxkî xirab kenê.