Mudiro Pêroyî yê rojnameyê Agosî Hrant Dînk serrgêra qetilkerdişê ya 16. de cayo ke tede ame kiştene de ame vîrardene. Hemsereka Pêroyî ya HDPyî Pervîne Buldan û wekîlanê HDP û CHPyî ya pîya xeylêk sîyasetmedarî û temsîkarê dezgehanê komelê sîvîlî tewrê vîrardişî bîyî

Banê verênî yê Agosî de postero gird yê Hirantî ame daliqnayene û nuqtaya ke tede ame kiştene de bi kurdkî, tirkî û armenîkî dêvîzê ''Semedê Hrant Dînkî edalet'', ''Ma pêro Hrant ê'', ''Ma pêro armenî yê''. Cayê yadkerdişî de vengê deyîra Sari Geline biberz. Rekele Dînk cayê qetilkerdişî de vilîkî nayî ro. Slogana ''Dewleta kiştoxe do hesab bido'' ameye eştene.

Emser qiseykerdişê vîrardişî hetê Rejîsor Emîn Alperî ra ame kerdene. Alperî vist vîrî ke 16 serrî yo welat de çîyêk nêbedilyayo û vat: ''Ma semedê cuya azade soz da Hrantî. Ma do qelemanê ke tarîx nusenî, destanê kiştoxan ra bîgêrê û hîkayeya wayûbiratîye binusê.''