KCD’yî bi eşkerayîya nuştekîye vist vîrê ke Sêwas de roja 2’ê Temmuz a 1993’î 33 roşnvîrî seba ke tewrê aktîvîteyanê Pîr Sûltan Abdalî bibê şîbî Otela Madimakî û rastê hêrişî ameyî. Roşnvîrî, pîya bi di wezîfedaranê otele bi paştîdayîşê dewlete hetê kîtle ra ameybî vêşnayene û qetilkerdene û nê pare kerdî:

‘’Zîhnîyeto qetilkaro ke Qirkerdişê Sêwasî kerd ewro bi îqtîdarê AKP-MHP’yî yeno domnayene. Înan ke Qirkerdişê Sêwasî kerd mabênê înan û çeteyanê DAÎŞ’î ke merdiman ganî-ganî vêşnene de ferqêk çîn o, her di zî eynî îdeolojîya dişmenîye ya  merdimîye ra xo weye kenê. Serrgêra 26’ine de hema qirkerdişî de nêameyî têrî. No zî nêzdîbîyayîşê qirkedişî yê îqtîdarî ramojneno. Ma bi wesîleya serrgêra qirkerdişî reyna dej û hêrsê xo anê ziwan  û bawer kenê ke qetilkar û paştgêrê Qirkerdişê Sêwasî do demo nêzdî de hesabê naye bidê. Ma Şexsê înan ke Qirkerdişê Sêwasî de cuya vînî kerde de heme şehîdanê demokrasi yad kenê  û sozê berzkerdişê mucadeleyî danê.’’