KCD'yî eşkerayîyêka nuştekîye weşanaye û da zanayene ke 29'ê Hezîrane hişê şarê Kurdî de wextêko muhîm o.

Eşkerayîya KCD'yî de ame vatene, “29'ê Hezîrane serra 1925’î sey heme şaranê dinya şarê Kurdî zî waştişê xoserîye, azadîye, demokrasî û edaletî kerd, la çi heyf ke no tarîx bi tarîxê komkiştişî, tasfîye û çinkerdişî.

Lîderanê şarê Kurdî ra Şêx Seîd û hemrayê ey 29'ê Hezîrane 1925 de hetê ‘Mehkemeyanê Îstîklalî' ra ameyî dardekerdene ke nê mehkemeyî seba înkarkerdişê estbîyayîşê şarê Kurdî û caardişanê polîtîkayanê çinkerdiş û qirkerdişî ameyî awankerdene.

Şêx Seîd û hevalê ey sey vizêrî ewro zî sey meşale rayîrê şarê Kurdî roşn kenê û vernîya ma akenê.  Înan, verê çimanê şarê Kurdî û şarê dinya de mîyanê kesanê ke seba azadîye, têduştîye û edalatî têkoşîn danê de cayê xo girewt.

Labelê ê kesê ke vanê ma ‘Mehkemeyanê Îstîklalî'de bi dardekerdişê nê kesan,  ma daweya înan û şarê Kurdî bi xo darde kerdo, bizanê ke tarîxê 29'ê Hezîrane 1925’î vîr û wijdanê şarê Kurdî de ameyo mehkûmkerdene.

Şarê Kurdî meşaleya ke Şêx Seîd û hevalê ey tafîşta tu cara erd de nêverda û bi hawayêkê serkewtişî heta na roje arda.

Tornê înan, Vakur, Başûr, Rojawanî û Rojakewtene de rayîrê azadîye de xeylî destkewteyê girdî kerdî ra xo dest û mîraso ke înan ra girewto seveknayo.

Wa ruhê înan şad bo!...

Şehadetê înan ê serrgêra 94’ine de, şarê ma çar parçeyanê Kurdistanî de têkoşînê xoverdayîşê azadîye dano.

Nika, çar parçeyanê Kurdistanî de serrgêra 94’ine ya şehadetê Şêx Seîdî û hevalê ey yena yadkerdene.