Dîwanê Hemserekîye yê KCDK-E  bi eşkerayîyêka nuştekîye bale ante serê  hêrişê îşxalî yê serê Başûrê Kurdistanî û semedê çalakîyanê ke vera îşxalî 29’ê Hezîrane de do bêrê viraştene veng da.

Eşkerayîye de vera hêrişê îşxalkarîye yê dewleta Tirkî bêvêngîya Başûrê Kurdistanî û rayapêroyî ameye şermezarkerdene û ame vatene ke  dewleta Tirkî na bêvengîya ra paştî gêna û hêrişanê xo zêdînena. Reyna vera paştayîşê PDK’yî yê dewleta Tirkî reaksîyon ame dayene û şarê Kurdî ra ameyî waştene ke vera îşxalî sere wedarî û nê hêrişê îşxalî pûç vejê. KCDK-E da pêhesnayene ke 29’ê Hezîrane de do Ewropa, Awusturya, Kanada û Japonya de çalakîyê vera îşxalî bêrê viraştene û veng da şarê Kurdî û dostanê înan ke bi ruhê seferberîye tewrê çalakîyan bibê û destûr hêrişê dewleta Tirkî yê vera Başûrê Kurdistanî nêdê.