KCDK-E bi eşkerayîyêke venga pêro kurdîstanijan û dostanê înan da ke 27ê çeleyî de zîyaretê Erdoganî yê Berlinî de tewrê çalakîya protestokerdişî bibê.

Eşkerayîye de ame parekerdene ke Erdogan do 27ê çeleyî de bêro paytextê Almanya Berlinî û seba weçînayîşî dima pêro Ewropa zî zîyaret bikero. Eşkerayîye de ame vatene ke Erdogan sebebê tecrîdê Îmraliyî, şerê vera Kurdîstanî, polîtîkayanê faşîzanan û debîyayîşê zîndanan o û o Unerwunschte person (keso ke nêwazîyeno) yo.

KCDK-E da zanayene ke ê do 27ê çeleyî de bi şîarê 'Erdogan Unerwunschte Person' pê rayraşîyayîşêkê girseyî û çalakîye zîyaretê Erdoganî protesto bikerê. KCDK-E vat: ''Ma venga şarê xo, dostanê xo û pêro demokratan-şorişgêran danê ke tewrê çalakîyan bibê û Erdoganî teşhîr bikerê. Ma venga her kesî danê ke 27ê çeleyî de saete 13.00 de, Bundeskanzleramt-Berlin de meydanan pirr bikerê.''