KCDK-E  bi eşkerayîyêke da pêhesnayene ke mabênê tarîxanê 23-25ê çeleyî de do Strasbourg de bi şîarê ''Rayber Apoyî rê Azadîye'' çalakîye bêro kerdene û  nê vatî:

"CPTyo ke wezîfeyê ci vergirewtişê îşkenceyî yo hem gureyo xo nêkeno û hem zî heme vengdayîşan bêcewab verdeno. CPT berpirsîyaro ke heme averşîyayîşanê Îmraliyî teqîp bikero la wezîfeyê xo nêano ca. Netîceya têkoşînê şarê kurdî û dostanê ci de CPT û Konseya Ewropa vat Îmrali sîstemêkê îşkenceyî yo û ganî bêro bedilnayene la rixmê ne çîyêk nêame kerdene. Tecrîd çend şino giranêr beno. 22 aşmî yo Rayber Apoyî ra qet xeberêke nîna girewtene. Nê pêro seba ke CPT, Konseya Ewropa û dezgehê bînî yê eleqedarî wezîfeyê xo nêkenê, yenê kerdene.

Heta ke avûkatî Rayber Ocalanî reyde pêvînayîş bikerê û eşkerayîye bidê, ma do çalakîyanê xo bêmabên bidomnê. Coka mabenê tarîxanê 23-25î ke roniştişê Konseya Ewropa do bêrê kerdene, ma do Strasbourg de çalakîya roniştişî bikerê. Waştişê ma oyo ke wa Konseya Ewropa rolê xo kay bikero, şiro dewleta tirke ser ke Rayber Ocalanî reyde pêvînayîş bêro kerdene. Çalakîya ma ya hîrê rojan de do hemserekî, sîyasetmedarî, hunermendî, dostê ewropayijî, temsîlkarê dezganê bawerî û partîyan, temsîlkarê Yewîya Hêzî do cayê xo bîgêrê. Çalakîye do roja peyêne pê mîtîngêk biqedîyo.

Ma veng danê şarê xo ke wa wayîrê îradeyê xo vejîyo û tewrê çalakîya ma ya ke do mabênê tarîxanê 23-25ê çeleyî de bêro kerdene bibo. Çalakîye rojane do mabenê saete 10.00 - 14.00 de bêro kerdene. Adres: Avenue de l'Europe 67000 Strasbourg."