KCDK-E semedê tewrbîyayîşê aktîvîteya Brukselî veng da
KCDK-E da zanayene ke seba ke PKK lîsteya terorî ya Ewropa ra bêro vetene xeylêk îmzayî ameyî arêdayene û semedê tewrbîyayîşê aktîvîteya Brukselî veng da.
KCDK-E bi eşkerayîya nuştekîye da zanayene ke kampanyaya îmzayan a vera qedexeyê PKKyî ke Înîsîyatîfê Kurdan rê Edaletî yê Mîyanneteweyî dabî destpêkerdene, qedîyaye û vat înan zî pîya bi hêzanê xo yê pabesteyan paştî dayo na kampanya.
Eşkerayîye de ame vatene ke derheqê îmzayan de do 31ê çeleyê 2023yî de saete 13.30 de Meydanê Schumanî yê Brukselî de eşkerayîya çapemenîye bêro kerdene û dima ra îmzayî teslîmê Komîsyonê Yewîya Ewropa bibê.
KCDK-E veng da kurdan û dostanê înan ke wa tewrê eşkerayîya çapemenîye û aktîvîteya teslîmkerdişê îmzayan bibê.
