KCDK-E derheqê hêrişê dewleta tirke yê vera Mexmûrî ser o eşkerayîyêke daye û venga pêro kurdan da ke pê ruhê seferberîye wayîrê erdê xo yê azadî vejîyê. KCDK-E vist vîrî ke Kampa Multecîyan a Mexmûrî binê mesuldarîya Neteweyan ê Yewbîyayeyan (NY) de ya la rixmê ney zî NY, PDK, Hukmatê Iraqî peymananê mîyanneteweyîyan peygoş kenê û dewleta tirke zî netîceya ney de kampe daye bombyan ver.

KCDK-E da zanayene ke artêşa tirke Başûrê Kurdîstanî de baregehan nana ro, keye û malê sivîlan talan kena, sivîlan kişena û PDK zî erdê Başûrî roşeno Tirkîya.

KCDK-E vat: ''Erdê ma rûmet û nasnameyê ma yo. Ganî seba wayîrvejîyayîşê erdê xo ma seferber bibê. Mexmûrî îlan kerd ke ê  zulmê dewleta tirke qebul nêkenê û heta serkewtişî têkoşîn kenê. Ma tewrê na seferberîye bibê, her ca de wurzê payan ser. Ma venga welatanê Ewropa danê ke wa mesuldarîyanê xo bîyarê ca. Ma venga pêro dostan, şorişgêran, merdimîye danê ke vera dewleta tirke ya îşxalkere û Dîktator Erdoganî destê şima ra çita yeno cade bikerê.

Ma venga şarê xo yê welatperwerî danê ke wa wayîrê erdê xo, têkoşînê Mexmûrî vejîyo û cade vera hêrişan seferber bibo.''