Hemserekîya Konseya Rayberdişî ya KCKyî derheqê  erdlerzê Vakurê Kurdîstanî de eşkerayîye daye û nê vatî:

''Ma Vakurê Kurdîstanî û şaranê Tirkîya rê serweşîye wazenê, înanê ke dinyaya xo bedilnaye hûma rehmê xo pê bikero û ê ke birîndar ê hûma şîfa xeyre bido ci. Ma dejê şarê xo û heme kesanê ke binê tesîrê erdlerzî de mendê,  bare kenê. Tay bajarê Rojawan û Sûrîye zî binê tesîrê erdlerzî de mendê. Ma eynî hîsanê xo semedê înan zî anê ziwan.

Îqtîdarê AKP-MHPyî tim erdlerzan ra dima vano ma şarî rê hetkarî kenê la no tim qale de maneno. Têna wazenê pê nê vatişan  sûcanê xo binimnê. Îqîtdar qet vera erdlerzan tedbîran nêgeno. Heme îmkananê welatî peşkeşê paştgêranê xo keno  û semedê şerê vera kurdan xerc keno. Eke tedbîrê biameyêne girewtene xesar wina gird nêbîyênî. AKPyo ke 20 serrî îqtîdar de yo qet tedbîrêk nêgirwto. Coka no erdlerz zî bi sebebê mergan. Seba ke Kurdîstan û Tirkîya de  xeta fayî est a, rîskê erdlerzî zaf o. Coka banî goreyê nê bêrê viraştene. La îqtîdar herinda tedbîranê vera erdlerzî de butçeya erdlerzî zî semedê şerî xerc keno. Coka sebebê nê heme mergan û xesaran îqtîdar o.

Ganî sere de şarê  Vakurê Kurdîstanî her kes îmkananê xo seferber bikero. Wa şarê ma qet cayêk de dewlete mepawo  û bi îmkananê xo derbanê xo bipeşo. Pîya bi xebatanê xelisnayîşî rîyê şertanê zimistanî ra ganî her kes, kesê ke banê înan rijîyayî bîgêro keyeyê xo. Ganî dezgehê demokratîkî zî paştî bidê şarî. Reyna kurdê ke teberê welatî de yê, ê zî ganî paştî biê şarê xo. Têna pê paştdayîş û hetkarîya şar û dezgehanê demokratîkan şar eşkeno na tengayîra ra vejîyo. Ma reyna serweşîye wazenê û dejê şarê xo mexduran pare kenê. Ma pê bawer ê ke ma pê îmkananê xo nê prosesê zor û bidejî xo dima verdenê.''