Serçeteyê tirkî Sedat Pekerî twitter de îtîraf kerd ke dewleta tirke ha vera elewîyan  peyê provakasyonan de ya. Wekîlê HDPyî Alî Kenanogluyî derheqê mesele de qisey kerd û da zanayene ke selahîyetdarêkê Asayîşî Serekê Cemxaneyê Garîp Dedeyî babete ser o şîyar kerd.

Kenanogluyî wextêk serekîya Komeleya Kulturê Elewîyan a Hubyar Sultanî kerda û bîyo hetkarê serekê Federasyonê Elewîyan ê Bektaşîyam.

Kenanogluyî eşkera kerd ke îtîrafê Pekerî ra verî asayîşê hêzanê tirkan ra selahîyetdarêkî Serekê Cemxaneyê Garîp Dedeyî Celal Firatî rê telefon kerd û derheqê provakasyonan de şîyar kerdç.

Kenanogluyî vat: ''Hewte de 4-5 hezar merdimî Cemxaneyê Garîp Dedeyî zîyaret kenê. No selahîyetdar zî serekê cemxaneyî rê vano tay agahîyî estê û wa baldar bê. Telefonî ra di rojan dima Pekerî nê tweetî nuştî. Ma zanenê mesele cidî ya. Serekê cemxaneyî Serekê Federasyonê Komeleyanê Elewîyan o û ey zî pêro dezgehê elewîyan şîyar kerdî. Ma sey elewîyan tim şîyar ê. Tim nê welatî de vera elewîyan tehlukeyê hêrişê muxtemelî esto.''