Qezaya Riha Pirsûsî de 14ê hezîrane 2018î de zixm û pawitoxê parlamenterê AKPyî Îbrahîm Halîl Yildizî, di lajî û mêrdeyê Emîne Şenyaşar qetil kerdbî. Emîne Şenyaşar û lajê xo Ferît Şenyaşar ke hêrîşî de birîndar bîybî, vernîya Edlîyeya Riha de dest bi çalakîye kerdbî.

Keyeyê Şenyaşaran 9ê adare 2021î de dest bi çalakîya xo kerdbî la seba erdlerzî 15 rojî mabên daybî. Şenyaşaran 20ê sibate de reyna dest bi çalakîye kerde.

Roja 702ine ya nobete de Şenyaşaran twetterî ser o no mesaj weşana: ‘‘Kesê ke bi xebitnayîşê hêzê sîyasîyî sûcê merdimîye kerd, do vîrê şarî ra nêşêrê. Nika amancê ma o yo ke ma çîyêk nêdê vîrkerdene. Wexto ke îqtîdar bedilîya, do dadgehê xoserî yew bi yew înan muhakeme bikerê.’’