Komîteya Perwerdeyî ya KJKyî bi wesîleya 21ê Sibate Roja Ziwanê Dayîke ya Dinya eşkerayîye daye û nê vatî:

''Ziwanê dayîke nasname û kulturê şaran ano pê. Seba ke semedê şarê kurdî û ziwanê kurdkî zaf kede daye û pê têkoşînê xo berê averberdişê ziwanê ma akerd, ma Rayber Apoyî bihurmet silam kenê û vanê ke ma ey rê zaf çî deyndar ê. Dayîkê kurdan ke ziwanê kurdkî pawenê, mamosteyê kurdkî, kedkerarî, wa Roja Ziwanê Dayîke hemeyan rê pîroz bo.

Ziwan eslê xo de nasnameyê komelkî yê merdimî ano pê û têna semedê dayîş-girewtişî nîyo. Coka hêzê kolonyalîstî verî wazenê vîrê komelkî yê kurdan çîn bikerê. Nê semedî ra şarê ma heta ewro perwerdeyê ziwanê dayîke ra mehrum verda. Binê hêrişanê qirkerdişî de Kampa Şehîd Rûstemî û çar leteyanê Kurdîstanî de xebate semedê perwerdeyê ziwanê dayîke yenê kerdene ke ma nînan teqdîr kenê.

Kedkar û perwerdekarî  mîyanê bêîmkanîye û astenkerdişanê girdan de bi bawerîya pîle, bi waştişê welatê azadî, komelê azadî, semedê pawitişê ercanê komelkîyan, cehd kenê ke ziwanê kurdkî bipawê. Çarçeweya na raştîye de ma Roja Ziwanê Dayîke sey şarê bindestî bi zanayîşê hîna pîlî verwazî bikerê. Ma na roje biçarne roja  hêzdarkerdişê ziwanê dayîke û pawitişê ercanê neteweyan.

Roja ma de ratîya winayêne rê ma rî bi rî yê; hêzê serdestî çirey firsetê azadîye şaran nêdanê. Rêxistina Kultur, Zanist û Perwerdeyî yê Neteweyanê Yewbîyayeyan (UNESCO) zî goreyê proramanê îqtîdaran têgêrena. No dezgeh her çiqas her serre vajo ziwanê kulturî çînbîyayîşî rê rî bi rî yê zî semedê pawitiş û averberdişê ziwanê dayîke yê şaran qet çîyêk nêkeno. Coka eşkerayîyê înan bêmana yê.

Rîyê kerdişanê hêzanê serdestan ra merdimîye mîyanê krîzanê girdan de ya. Şarê ke nê porsesî de xo mepawê do çîn bibê. Nê semedî ra ganî her keyeyê kurdan bi zanayîşê z'iwan nasname û estbîyayîşê ma yo' keyeyê xo  biaçarno mektebê kultur û ziwanê kurdkî.  Na çarçewe  de, bi wesîleya 21 ê Sibate Roja Ziwanê Dayîke ganî sere de cinî û dayîkê kurdan şarê ma dahîna zaf dormeyê mamosteyanê kurdkî û kedkaran de bêro têhet, paştî bido û wayîrê perwerdeyê kurdkî bivejîyo. Heta ke ma heqê perwerdeyê ziwanê dayîke bifînê dest, ganî têkoşîn bêmabên dewam bikero.''