Wekîlê HDPyî Abdullah Koçî vat ke, sazgehê baro û huqûqî gere herêmanê erdlerzî ra masayak ronê.

Abdullah Koç ke roja verêna ra Semsûr de yo, ANFyî rê qisey kerd û nê çîyî ardî ziwan; ‘‘No çî sere ra heta peynîye bêhuqûqî ya. Û sewbîna zî îqtîdar, seba ke sûcê xo binimno cayanê cîya-cîyayan ra qisûr gêreno. Seba ney zî ma vînenê ke bi nameyê ‘talankerî’ hêrîşê bextwaştoxan kenê. Gere pêroyê sazgehê huqûqî hemverê ney de bivinderê. Destê înan de delîlêk û qerarê mehkema çin o û îşkenceyê şarî kenê. Ez wazena vaja ke nê tewir serebûdî zaf cîdî yê û gere ser o bêro vindertene.’’

Abdullah Koç: ‘‘Zerrîwaz û rêxistinê sivîlî tîya de bîyî dest û çimê şarî la no çî seba îqtîdarî çîyêko xirab o. Coka ma vînenê ke îqtîdar vera nînan wazeno çîyêk bikero. Halo Îstîsnayo ke îlan kerdo, do dewamê ci bêhuqûqîye bibo. Sere de ma venga baroyan û huqûqnasan danê; hewce keno ke nê herêman ra masayêk ronê şarê xo rê xîzmet bikerê.’’