Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 553. de dewam kena. 

No hewte koma Pforzheimî nobete dewr girewte. Kome de abdullah Botan, Alî Yilmaz û Murat Serhat cagênê.

No hewte vengdayîşê KCDK-E ser o verê Konseya Ewropa (KE) de çalakîya kurdîstanijan zî est a. Rixmê hewayê serdî zî kome bi qerardarî çalakîya xo rê dewam kena.

Nameyê kome ser o Abdullah Botanî qisey kerd û vat: ''Teyna rojêke nê, hewteyêk nê bi serran ganî ma bibê cewanê Rayberîye. Ganî babeta Rayberîye de pêro kurdî hesas bê, wayîrê Rayberîye vejîyê.''

Botanî vist vîrî ke 22 mengî yo Rayberê Şarê Kurdî Abdullah Ocalanî ra xeberêke nêna girewtene û vat: ''Serê Rayberîya ma de tecrîdêko giran est o. Di serrî yo ma nêeşkenê Rayberîye ra xeberêke bigêrê. Ma wazenê cade Rayberîye ra xeberêke bigêrê. Ma venga pêro kurdîstanijan û rayaumûmîya demokratîke danê ke wa na babete de hesas bibê.''