Îngilistan de aktîvîteyê ke seba azadîya Rayberê Şarê Kurdî Abdullah Ocalanî yenî viraştene, her roje zêde benî. Do konferansê Partîya Karkeran de zî programê Ocalanî do bêro viraştene. Konferans do mabênê 22 û 26ê êlule de bivirazîyo.
Kongreya Yewîya Sendîkayan (TUC) ke bi mîlyonan endamê aye estî, bi destekê Meclîsê Şarê Kurdî yê Brîtanya konferansêk viraştbî û konferans de seba azadîya Ocalanî veng ameybî dayene. Nika konferansê Partîya Karkeran ya muxelefete de zî do no derheq de tayê programî bêrî viraştene.
Konferansî Partîya Karkeran do mabênê 22 û 26ê êlule de bajarê Lîverpoolî de bêro viraştene û yeno pawitene ke do vengdayîşê azadîya Ocalanî bibo babeta esasî.
Parlamenter Lloyd Russell-Moyle, Lord Maurîce Glasman, Wezîrê Edaletê Seya Shamî Chakrabartî, Hemserekê Kampanyaya Ocalan rê Azadîye Sîmon Dubbîns, Temsîlkaranê Kampanyaya Ocalan rê Azadîye ya Mîyanneteweyî ra Havîn Guneşere û Serekê Rûmetinî Ertugrul Kurkçu do beşdarê panelo ke bi babeta Rojhelato Mîyanên de vera faşîzmî de têkoşîn: Ocalan, Kurdî û pawitişê şorişê cinîyan’ bêro viraştene bibî.
Konferans de bi rayberîya Temsîlkarîya Îngilistanî ya KNKyî û Meclîsê Şarê Kurdî panelêko bi babeta ‘Rojhelato Mîyanên de aştî û demokrasî de rolê Ocalan û kurdan’ bêro viraştene. Yeno pawitene ke Lord Maurîce Glasman, Parlamenter Tracy Brabîn û Temsîlkarê KNKyî Rizgar Wan sey qiseykerdoxî beşdarê panelî bibî.
