HDPyî Merkezê Kulturî yê Cem Karaca yê Îstanbulî de Konferansê Komara Demokratîke organîze kerd.  Xeylêk roşnvîr, nuştox, sîyasetmedar, akademîsyen û rojnamegerî tewrê konferansî bîyî. Hemserekanê  Pêroyî yê HDPyî Mîthat Sancar û Pervîne Buldan konferans de qiseykerdişê akerdişî kerd.

Mîthat Sancarî vat: ''Wextê ronayîşê komare ra nata fehmo yewhet yeno esasgirewtene. Fehmê komelê azadî û merdimê xoserî ra dûrî ameyo vindetene. Coka tim krîzî ciwîyenê. Sere de meseleya kurdan warê bawerî de zî problemî est ê. Seba ke meseleya kurdan bi rayîrê demokratîkî nîna çareserkerdene no astengo tewr pîl ê demokratîkbîyayîşê komare yo. Sere de elewîyî xeylêk grûbê bawerîyan nêeşkenê nasnameyê xo biciwîyê. Ge-ge bêro îdîakerdene ke tay gamî erzîyayî zî nê gamê dewlete semedê naskerdişê nasnameyan nêerzîyene ê cedh kenê ke nasnameyê bidê pênaskerdene. Ma pêkerdişêkê komelkî yê xurtî hedef kenê. Heta ke azadîye û seyyewbînîye mebo haştîye nêbena. Ma prosesê xurtkerdişê têkoşînî de yê. Ma sey partîye kenê ke rejîmê nê îqtîdarî birijnê. Têna înan rê vînkerdiş qîm nêkeno, ganî ma pîya ser bikewê zî.''

Pervîne Buldan zî nê vatî: ''Ma sey HDPyî nê konferansî sey destpêkê neweyî hesibnenê. Ma do prosesê verê ma de konferansanê winayênan zafêr bikerê. Nê demê ke krîzî têdima qewimîyene de seba ke ma pêro pîya na tengayî ra bixelisîyê ganî ma têkoşînê demokrasî, edalet û haştîye xurtêr bikerê. Meseleya kurdan a ke çimeyê heme problemanê nê welatî ya, verê demokratîkbîyayîşê komere de asteng a. Eke meseleya kurdan bêro çareserkerdene  û haştîya mendîye bêro, verê komara demokratîke zî beno a. Azadkerdişê bawerîyanê na herre, semedê komara demokratîke gamêka muhîm a. Ma pîya bi îtîfaqê xo yo ke tim beno gird, wayîrê sîyasetê ronayoxî yê. Ma do bibê  wayîrê dewrê neweyî zî.''

Dima ra tewrbîyayoxanê bînan qisey kerd. Qiseykerdişan de bale ameye antene yewîya şaran û têkoşînê hemparî ser û ame vatene ke ganî şarî ercanê hemparan de bêrê têhet.