Kongreya Demokratîke ya Şaran (HDK) bi şîarê 'Vera faşîzmî û kolonyalîzmî ma mîyanê meclîsanê demokratîkan de bêrê yewca. Bi komelê azadî û rêxistinbîyayeyî ma cuyêka newîye awan bikerê' Îstanbul de Kongreya Pêroyî ya 12. kerde.

Sere de Hemsereka DBPyî Salîha Aydenîz û Vervatoxa HDPyî Ebru Gunay xeylêk temsîlkarê partî û dezgehan tewrê kombîyayîşî bîyî. Endama Heyetê Dîwanê HDKyî û Wekîla HDPyî ya Tulaye Hatîmogullari kongre de qisey kerd.

Tulaye Hatîmogullari vat: ''Ma pîya dest pêkerd, ma do pîya ser bikewê. Na kongre vera teda û neheqîye armancê awankerdişê welatêkê azadî û têdûştî yena kerdene. Vera wird îtîfaqanê serdestan ma rayîro 3. awan kerd û seba awankerdişê Komare Demokratîke afernayîşê rêxistinîya dînamîke ya komelkîye na xo ver.

Ganî tecrîdê vera Birêz Ocalanî bêro wedaritene. Birêz Ocalan îradeyê şarê kurdan o, o eşkeno meseleyanê şaran ê Rojhelatê Mîyanênî modelê çareser bikero. Coka ganî karê seba qedînayîşê tecrîdê Îmraliyî bêrê zêdînayene. Nê prosesê weçînayîşî de cewabê persê 'têkoşînê vera faşîzmî de, senî do biresîyo potansîyelî' bingeyê nîqaşanê HDKyî yo. Xoverdayîş û armancê ma yê ronîyayîşî bi zelalî mojnenê ke bi afernayîşê îmkanan û metodan ma eşkenê ser bikewê.''

Kongre çapemenîye rê girewte dewam kena.