Konseya Ewropa: Wa demê aşitîye newe ra bêro destpêkerdene
Sereka Meclîsê Parlamenteranê Konseya Ewropa Lîlîane Maury Pasquîere qedîyayîşê grevê vêşanîye rê keyfweşîya xo ard ziwan û waşt ke demê aşitîye newe ra bêro destpêkerdene.
Sereka Meclîsê Parlamenteranê Konseya Ewropa Lîlîane Maury Pasquîera ke eşkerayîyêka nuştekîye daye ard ziwan ke aye qedînayîşê grevê vêşanîye yê Leya Guvene ra bîya şa û vat ke ganî nika demê aşitîye reyna bêro destpêkerdene.
Pasquîere bale ante ke babetê sîyasî û fermî bi çalakîyanê bitehluke nê ganî bi diyalog û muzekerayan bêrê çareserkerdene û va ez veng dana ke wa newe ra demê aşitîye bêro destpêkerdene. Sereka Meclîsê Parlamenteranê Konseya Ewropa Lîlîane Maury Pasquîere ard ziwan ke Konseya Ewropa na babete de paştdayîşê Tirkîya rê amade ya.
