Bajarê Kolnî yê Almanya de hetê partîyanê ke pabesteyê Îtîfaqê Kede û Azadîye yê ra kombîyayîş ame kerdene û startê xebatanê Ewropa û teberê welatî ame dayene.

Kombîyayîş de 13 kesan ra Koordînasyonê Ewropa û Tebwerê Welatî yê Îtîfaqê Kede û Azadîye ame ronayene. Xerîtaya rayîrî ke hetê komîsyonî ra ameye amedekerdene de ame vatene ke pê nê vîjnayîşî şar eşkeno ameyoxî bibedilno. Qiseykerdişan de bale ameye antene muhîmîya rayîrê hîreyînî ser û ame vengdayene ke wa her kes çîyo ke destê ci ra yeno bikero. Kombîyayîş de qerar ame girewtene ke heme welat û bajaran de ke tede vîjnayoxî est ê, ganî heta 15ê sibate komîsyon û komîteyî bêrê ronayene.