Bi vendayîşê Dîvanê Hemserekîya ( KCDK-E ) û Tevgerê Cinîyanê Kurdî yê Ewropa (TJK-E)  xeylê welatanê Ewropa de kurdî û dostê ci seba dîqet biancîyê rewşê Rayberê Şarî Kurdî Abdullah Ocalanî ser,vejîyenî meydanan.

Xora bi hewteyan o ke heme bajaranê Ewropa de çalakîye yenî viraştene. Roja îne zî bajarê Marsîlya ya Fransa û bajarê Melbourne ya Avusturalya de çalakîyî ameyî viraştene.

Marsîlya de rayberîya Ciwanên Azad de rayîrraşîyayîşek ame viraştene. Çalakvanan bêvengîya Ewropa şermezar kerd û azadîya Ocalanî waşt.

Melbourne de zî bi kombîyayîşêk komplo û tecrîd ameyî şermezar kerdene. Qiseykerdişan de rolê Amerîka û welatanê Ewropa yê komploye ardîya vîr û înan ra ame waştene ke wa wazîfeyê xo bîyarî ca û vera tecrîd bêveng memanî.

Çalakîye ke 13ê Teşrîna verêne (ewro) de do bêrî viraştene, Komploya Mîyanneteweyîye, tecrîdê Îmrali, zextê dewleta tirkî, hêrişê îşxalkarî, bêvengîya welatanê Ewropa,  vindertişê Komîteya Vernîgirewtişê Îşkenceyan (CPT) û  Mehkemeya Heqê Merdiman ya Ewropa (MHME) do bêro protesto kerdene

KCDK-E û TJK-E seba tewrbîyayîşê çalakîyan veng da û waşte ke wa sere de şarê kurdî heme hetê demokratî û dostê kurdan tewrê çalakîyan bibî û wayîr Rayber Apoyî bivejî.

Bajarê Lîege ya Belçîka, bajaranê Parîs, Marsîlya û Strasbourgî yê Fransa, bajaranê Dusseldorf, Frankfurt, Darmstadt, Hannover, Stuttgart, Berlîn, Hamburg, Bremen û Kîelî yê Almanya, bajaranê Vîyana, Însburg û Lînzî yê Avusurya, bajarê Toronto ya Kanada, bajarê Melbourne ya Avusturalya,  bajarê Den Haagî yê Hollanda, bajarê Stockholmî yê Swedî û bajarê Oslo ya Norveçî de do ewro çalakî bêrî viraştene.