Înîsîyatîfê Erdogan Not Welcome bi eşkerayîyêke veng da ke wa her kes tewrê çalakîyanê protestokerdişê Serekkomarê Tirkî Tayyîp Erdoganî bibo ke do 27ê çeleyî de bêro Almanya.

Eşkerayîye de ame vîrvistene ke Erdoganî senî şarî kerdî dişmenê yewbînan û nê ameyî vatene: ''Erdogan nê wazeno ke Almanya şar mîyanê haştîye de biciwîyo. Verî ke bêro wekîlê xo şawit Neuss de hazîrîya dişmenîyî kerd. Inkey  zî dîktator bi xo yeno serekkomar û serekwezîrê Alamnya reyde pêvînayîş keno.

Sey Tirkîya, Almanya de zî  sere de kurdî kesê ke vera Erdoganî yê, ewlekarîya ganê înan çîn a. Selahîyetdaranê Almanya zî nê tehdîtê înan goştarî kerdî la rixmê nê Erdogan reyde pêvînayîş kenê. Ma nê şermezar kenê û wazenê wa paştdayîşê Erdoganî bêro vindarnayene. Ma veng danê ke kam ke vera îqtîdarê AKP-MHPyî yo wa tewrê çalakîya protestoyî bibo.

21.01. 2023 de roja îne, saete 13.00 de ma pêro kar gureyê xo caverde û verêBundeskanzleramtî de bêro têhet û vera dîktator Erdogan û paştgêranê ci vengê xo berz bikerê. Ma nê dîktatorî ne Tirkîya de ne zî Almanya de wazenê.''